सिर मै दर्द आख मै पानी-2
गात टुटता आवै सै जाइये बांदी
बेरा लाइये यो धुआ कड़ै तै आवै सै।
नाहर नगर मै हुई हे सगाई -2
नाहर नगर मै ब्याह हो सै जाइये बांदी
बेरा लाइये यो धुआ कड़ै तै आवै सै।
बागा मै एक बाबा आ रहा-2
बाबा धुना रमा रहा सै लम्बी लम्बी
नाड़ जले की लम्बी लटा बढा रहा सै।
अड़ै तै धुना ठाले हो बाबा-2
कमरे मै धुआं आवै सै सौ सौ के म्हारे
सुट धरे सै धुए मै काले हो जा सै।
अड़ै तै धुना ठवाके हे छोरी-2
कोन्या सुख तु पावैगी मै कहा रहा सु
हे छोरी तु किसके लाल खिलावैगी।
जो बाबा मेरै छोरा हो जा-2
मै अम्बर जलवा पुजुंगी सारे गावँ का
करु दसोटन तैनै भी कम्बल उढा दुंगी।
सिर मै दर्द आख मै पानी-2
गात टुटता आवै सै जाइये बांदी
बेरा लाइये यो धुआ कड़ै तै आवै सै।
0 Comments