जाग मेरी देबी माई री हेरी मै तैनै जगावन आई।
सिर पै मटकी गंगाजल लयाई।
घनी दूर तै पैदल आई।
बैठ मेरी देबी माई री हेरी मै तैनै नुहावन आई।
जाग मेरी देबी💐💐💐💐💐।
लाल लाल चुनरी मै लेके आई।
गोटा ला मैंने खूब सजाई।
ओढ मेरी देबी माई री हेरी मै तैनै ऊढावन आई।
जाग मेरी देबी💐💐💐💐💐।
केसर रोली मेंहदी लयाई।
अपने हाथों मै आप सजाऊ।
तु सज मेरी देबी माई री हेरी मै तैनै सजावन आई।
जाग मेरी देबी💐💐💐💐💐।
टीका नथनी झुमके कंगना।
पहर के आजा मेरे अंगना।
मैंने तेरी चौकी लाई री हेरी मै तैनै बुलावन आई।
जाग मेरी देबी💐💐💐💐💐।
मेरे घर आके आसन लगा ले।
करी कढाई माँ भोग लगा ले।
आरती मै भेट चढाई री हेरी मै तैनै बुलावन आई।
जाग मेरी देबी💐💐💐💐💐।
0 Comments