कुएँ पै नीर भरु थी।
दयानंद घोड़ा डाटया हे छोटुराम आर्या
हो गया।
बेबे एक घुट पानी पयादे।
मै तैनै देख के आया हे छोटुराम आर्या
हो गया।
बीरा परेनै होके पीले।
मेरे दामन कै छीट लाग जा रे छोटुराम आर्या
हो गया।
बेबे इसे नीर की ना चाहना।
हम पीवा गऊवा का दूधू हे छोटुराम आर्या
हो गया।
बेबे कौनसे गावँ की बेटी।
तु कौनसे गावँ मै ब्याही हे छोटुराम आर्या
हो गया।
बीरा रेवाड़ी जिले की बेटी।
मै गावँ भिवानी ब्याही हे छोटुराम आर्या
हो गया।
बेबे आर्या की बेटी होके।
तु पानी नै क्यु नाटी हे छोटुराम आर्या
हो गया।
मेरे दामन पै दोगड़ पड़ियो।
दयानंद का दोष उतरियो हे छोटुराम आर्या
हो गया।
0 Comments