मेरी सासु तो सोवै रंग महल मै।
मेरी बाईजी चौबारे-2।
मेरो प्रणो तो सोवै फुटा ढुंढ मै।
के बेरो सोवगो कै ना-2।
मेरो उड़क धुड़क जियो न्यु करै।
मेरी सासु तो ओढै सोड़ सोड़िया।
मेरी बाईजी कमलिया-2।
मेरो प्रणो तो ओढै पाटयो गुदड़ो।
के बेरो जाडो लाग जा-2।
मेरो उड़क धुड़क जियो न्यु करै।
मेरी सासु तो पहर कलिया घाघरो।
मेरी बाईजी तो साड़ी-2।
मेरो प्रणो तो पहर पाटो काछड़ो।
के बेरो बांधै को गो के ना-2।
बैरी फिल्म दिखावै वो तो डोलतो।
मेरी सासु नै ले गया दोए चोरटा।
मेरी बाईजी नै मीणा-2।
मेरा प्रणा ले गयो एक मिंढको।
के बेरो पावैगो क ना-2।
मेरो उड़क धुड़क जियो न्यु करै।
मेरी सासु तो पाई एक चोर कै।
मेरी बाईजी मीणा कै-2।
मेरो प्रणो टररावै एक जोहड़ मै।
के बेरो चालैगो क ना-2।
मेरो उड़क धुड़क जियो न्यु करै।
मेरी सासु का लागया पूरा पानसौ।
मेरी बाईजी का हजार-2।
मेरा प्रणा को ऊठो एक टको।
के बेरो देवै गो कै ना-2।
मेरो उड़क धुड़क जियो न्यु करै।
मेरी सासु कि लाई मै तो साड़ियां।
मेरी बाईजी को बिलोज-2।
मेरा प्रणा का चाबया मैंने भुगड़ा।
के बेरो चबै गा कै ना-2।
के बेरो पचै गा कै ना-2।
मेरो उड़क धुड़क जियो न्यु करै।
0 Comments