हे रांडया कै ब्याह दी बहुत घनी दुख पाई।

दुसर लेके आई थी मैनै कोई न तारन आई हे।

आप उतर के चाल पड़ी हे मै-2

मैनै गाल गली ना पाई

हे रांडया कै💐💐💐💐💐💐।

लेके पीढा बैठ गई हे मै-2

मैंने कोई ना दिखी लुगाई

हे रांडया कै💐💐💐💐💐💐।

ना रांडया कै चुल्हा चाकी ना रांडया कै चून हे।

ना रांडया कै चिमटा फुकनी ना रांडया कै परात हे।

सिर नै पकड़ के बैठ गई हे मै-2

मैनै शर्म भतेरी आई

हे रांडया कै💐💐💐💐💐💐।

ना रांडया कै माँ और बेबे किसके तै बतलाऊ मै।

ना रांडया कै दौर जिठानी किस तै करु लड़ाई है।

ठाके मोगरा चाल पड़ी हे मै-2

जेठा की करन पिटाई

हे रांडया कै💐💐💐💐💐💐।

ना रांडया कै फोन और टीवी क्युकर टेम बिताऊ हे।

ना रांडया कै बालक बच्चे किस तै चीज मंगाऊ हे।

ओढ चुन्दड़ी चाल पड़ी हे मै-2

सुसरे तै बर्फ मंगाई

हे रांडया कै💐💐💐💐💐💐।

जेठा आवै घुंघट खोलै देवर पल्ला ठावै हे।

गाम गली मै न्यु कह रहे सै सुसरे तै भी बोलै हे।

किस किस की हे मै करु सुनाई-2

जान मरन मै आई

हे रांडया कै💐💐💐💐💐💐।

Categories: Geet

0 Comments

Leave a Reply

Avatar placeholder

Your email address will not be published. Required fields are marked *