रोशनी खिली चौबारै मै हो उठो ना
पति भरतार।
हे मैनै गुठा मोड़ जगाया के उठा पति
तरारे मै
हे मेरै मारे रहपटे चार के घर तै बाहर
निकाल दई
हे मेरै सात साल का लाल लाल नै
हे लेके चाल पड़ी।
हे मै आई ढैर कै बीच ढैर मै काली
नाग पड़ी।
हे मैंने लिया राम का नाम नाग बम्बी
मै चाल पड़ी।
हे मै आई सीम कै बाहर सीम पै शेरा
की डार खड़ी।
हे मैनै लिया हरी का नाम डार शेरा
की चाल पड़ी।
हे मै आई बणा कै बीच बणा मै तोड़ी
लाकड़ी।
हे मै जबर भरोटा बांध शहर मै हे
बेचैन चाल पड़ी।
हे मै आई शहर कै बीच कोए तो
लेलो लाकड़ी।
हे मैनै धर के मारी किलकार कोए
तो लेलो लाकड़ी।
हे थम कहो लाकड़ी का मोल लाकड़ी
की किमत कितनी।
हो के कहु लाकड़ी का मोल मैनै हो
दो चाहिए रोटड़ी।
रै तु इसी सुपात्र नार तैनै हो क्यु बेची
लाकड़ी।
हो ब्याहे नै दिया जवाब मैनै हो न्यु बेची
लाकड़ी।
हे मेरै सात साल का लाल लाल मै हे
विपता बहुत घनी।
0 Comments