म्हारे आज छठी की रात ललना।
तेरा दादा घड़ावै सोने का पलना।
तेरा ताऊ घड़ावै सोने का पलना।
तेरी दादी झुलावै तु झुल ललना।
तेरी ताई झुलावै तु झुल ललना।
म्हारे आज…।
तेरा चाचा घड़ावै सोने का पलना।
तेरा भैया घड़ावै सोने का पलना।
तेरी चाची झुलावै तु झुल ललना।
तेरी भाभी झुलावै तु झुल ललना।
म्हारे आज…।
तेरा फुफा घड़ावै सोने का पलना।
तेरा जीजा घड़ावै सोने का पलना।
तेरी बुआ झुलावै तु झुल ललना।
तेरी बहना झुलावै तु झुल ललना।
म्हारे आज…।
तेरा मामा घड़ावै सोने का पलना।
तेरा नाना घड़ावै सोने का पलना।
तेरी मामी झुलावै तु झुल ललना।
तेरी नानी झुलावै तु झुल ललना।
म्हारे आज…।
सारी सखियां घड़ावै सोने का पलना।
तैनै घर पे झुलावै तु झुल ललना।
म्हारे आज…।
0 Comments