बुढा सा बामण ग्यारस बेचै कोए तो
ग्यारस लेलो राम।
गली गली मै आवाज लगाई कोए तो
ग्यारस लेलो राम।
भीतर तै सतवंती निकली मै लुंगी तेरी
ग्यारस राम।
बाट ताखड़ी ठाके लयाओ जब दुंगा या
ग्यारस राम।
एक पलडे़ मै ग्यारस बैठी दुजे मै अन्न धन
सारा ओ राम।
गहना रुपया सारा ऐ धर दिया फेर भी ना
पूरी होई ओ राम।
सतवंती हे या भाजी भाजी हांडै और इसमै
के धर दु ओ राम।
एक कोने मै कृष्ण बैठा देखै खड़ा खड़ा
हंसै ओ राम।
क्याकि ले सतवंती ग्यारस या ग्यारस अनमोली
ओ राम।
सत कि हे ग्यारस साखी ग्यारस या ग्यारस अनमोली ओ राम।
हाथ जोड़ पाया मै पड़ गई कोए तो जत्न
बता दे ओ राम।
एक पलड़े मै ग्यारस बैठी दुजे मै तुलसा
का पत्ता ओ राम।
ठाके पालड़ा देखनै लागा ग्यारस पूरी हो
गई ओ राम।
इस ग्यारस मै इतनी हे शक्ति इसने कोन्या
बेचु ओ राम।
लेके ग्यारस उल्टा आ गया लयाके शाल मै
बैठाई ओ राम।
अन्न धन का यो ढेर लाग गया ग्यारस माता
ठुठी ओ राम।
सत कि हे मेरी ग्यारस माता तु हे सै अनमोली
ओ राम।
साची हे कहिए सत कि हे कहिए नेम धर्म कि
ग्यारस राम।
जो कोई इस ग्यारस नै गावै सीधा स्वर्ग मै
जावै ओ राम।
0 Comments