हे मेरा कंद का दामन लाल मेरे तै लागै ना गाती।
हे मेरै चढै जाडे का ताप मेरे तै फिरती ना चाकी।
हे जेठे के बेटे बदमाश मेरे तै कहते ना चाची।
हे मेरी छोटी ननद बदमाश मेरे तै कहती ना भाभी।
हे मैनै दस का गेरा तार बाहन मैनै गेर दई चिठ्ठी।
हे मेरे छुट्टी आए भरतार महल मै दीया ना बाती।
रै गौरी साचम साच बताए तेरे पै के के सै बीती।
हो मेरा कंद का दामन लाल मेरे तै लागै ना गाती।
हो मेरै चढै जाडे का ताप मेरे तै फिरती ना चाकी।
हो तेरे भाई के बेटे बदमाश मेरे तै कहते ना चाची।
हो तेरी छोटी बाहन बदमाश मेरे तै कहती ना भाभी।
हो ले चालु अपने साथ तैनै क्यु फेरनी चाकी।
हो सिमवादु टैरीकोट तैनै क्यु मारनी गाती।
हो मेरे संग के साथी यार तैनै वो कह देंगे भाभी।
हो तु घबराई मेरी नार तैनै मै कह दुंगा चाची।
0 Comments