बाबा हो मै तो इतनी दूर तै आई।
नाम मैनै लेना सै सै सतनाम।
भगतनी शब्दा को अर्थ बताए।
नाम तैनै जब रै मिलै सै सतनाम।
भगतनी लम्बी रास पड़ी सै।
गाठँ उकै कैसे लगै सै सतनाम।
भगतनी कच्ची गार का मटका।
नीर उसमे कैसे डले सै सतनाम।
भगतनी कच्चे सुत का ताना।
तार उसमे कैसे पुरै सै सतनाम।
गुरु जी संगत नै रास कहो सो।
प्रेम कि गाठँ लगै सै सतनाम।
गुरु जी काया नै मटको कहो सो।
ज्ञान को नीर डले सै सतनाम।
गुरु जी कच्चे सुत का ताना।
तार बुद्धि का डलै सै सतनाम।
गुरु जी आपने हीना बताओ।
के नुगरा तै जगत डरै सै सतनाम।
भगतनी हम हारा थम जीती।
इब तैनै नाम मिलै सै सतनाम।
0 Comments