मेरी माँ ने सिमाया टैरीकोट दिखे मै पहर सासरै आई।
मै आई सुसर की पोल दिखे मेरी सासड़ तारन आई।
तु उतर बहु घनघोर दिखे तु देज भतेरा लयाई।
तु देज भतेरा लयाई दिखे तु बिना भाईया की आई।
मैनै इतना सुनया जवाब दिखे मै ठाके टोकनी चाली।
मैनै टोकनी मेली घाट दिखे मैनै जान कुएँ मै झोकी।
मेरी माँ नै बेरा पाटया दिखे वा ठेठ लाश पै आई।
बेटी साचँम साचँ बताए दिखे तैनै किसपै जान गवाँई।
माता जन्मा कुन्या नन्दलाल दिखे मैनै उसपै जान गवाँई।
जिसने बेटी देवै भगवान दिखे उसने बेटा जरुरी चाहिए।
जिसके दौसो बीगा हे जमीन दिखे उसने साझी जरुरी चाहिए।
0 Comments