मेरा पति देही का माड़ा

मेरा पति देही का माड़ा कुछ तो जतन बता दो हे बेबे।

एक किलो तो गिरि छुवारा एक किलो बादाम बेबे।

घोल दूध मै पाया करिये हो जा शेर जवान बेबे।

खुवा पयाऐ कै सांड पाल लिया सौतन तै बतलावे हे बेबे।

उस सौतन कै छोरा हो गया मेरे पति कि उनिहार बेबे।

के तो हे आधा होलर देदे नहीं दुंगी दरकास बेबे।

ना जीजी तेरै घरा गई थी ना ल्याई बुलाये बेबे।

चुल्हा आगे चिलम भरै था दो बार सैन चलाई हे बेबे।

दो सैना मै छोरा हो गया बेशक दे दरकास बेबे।