सालासर के बालाजी हो तैनै सब बाता का बेरा सै
भर-भर थाल बाट रहा हो बाबा इब कै नम्बर मेरा सै।
किसी नै कोठी किसी नै बंगला किसी नै कमरा दे रहा सै
तैनै के हो बाबा बेरा कोन्या टुटा झोपड़ा मेरा सै।
सालासर के💐💐💐💐💐💐💐।
किसी नै हलवा किसी नै पूरी किसी नै रोटी दे रहा सै
तैनै के हो बाबा बेरा कोन्या बासी टुकड़ा मेरा सै।
सालासर के💐💐💐💐💐💐💐💐।
किसी नै बेटा किसी नै बहुड़ किसी नै पोता दे रहा सै
तैनै के हो बाबा बेरा कोन्या घर मै घोर अंधेरा सै।
सालासर के💐💐💐💐💐💐💐💐💐।
किसी नै मोटर किसी गाडी किसी नै साईकिल दे रहा सै
तैनै के हो बाबा बेरा कोन्या पैदल चल के आरा सु।
सालासर के💐💐💐💐💐💐💐💐।
किसी नै सोना किसी नै चांदी किसी नै रुपया दे रहा सै
तैनै के हो बाबा बेरा कोन्या सिर पै कर्जा मेरै सै
सालासर के💐💐💐💐💐💐💐💐।
किसी नै शक्ति किसी नै भगती किसी नै ज्ञान दे रहा सै
तैनै के हो बाबा बेरा कोन्या ह्रदय मे घोर अंधेरा सै।
सालासर के💐💐💐💐💐💐💐💐।
0 Comments