मैनै दुखी करै संसार भोला न्यु बोला।
चार बजे एक बुढिया आवै।
दूध का लोटा मेरे पै चढावै।
वा मांगै सुखी परिवार भोला न्यु बोलया।
मैनै दुखी…।
पाचं वैकी बहुड़ आवै।
जल का लोटा मेरे पै चढावै।
वा गोदी मै लाल भोला न्यु बोलया।
मैनै दुखी…।
छ: बजे उसका बेटा आवै।
फूलों की माला पै चढावै।
वो मांगै सै धन माल भोला न्यु बोलया।
मैनै दुखी…।
सात बजे वैकी बेटी आवै।
बेलपत्र मेरे पै चढावै।
वा मांगै अच्छा घर बार भोला न्यु बोलया।
मैनै दुखी…।
आठ बजे उका पोता आवै।
पाचं रुपया मेरे पै चढावै।
वो होना चाहवै पास भोला न्यु बोलया।
मैनै दुखी…।
दोपहरे मै उसकी सखियां आवै।
बैठ बारनै भजन सुनावै।
म्हारा रहै यो प्यार भोला न्यु बोलया।
मैनै दुखी…।
सांझ पड़े उका बुढा आवै।
बैठ बारनै न्यु बतलावै।
म्हारा खयाल राखिये नाथ भोला न्यु बोलया।
मैनै दुखी…।
0 Comments