खेलै खेल हे मंढी पै म्हारे पितर देवता।
म्हारे पितर देवता म्हारे कुल देवता।
खेलै खेलै हे…
कोरा कोरा कलशा निर्मल पानी।
नहावै नहावै हे मंढी पै म्हारे पितर देवता।
म्हारे पितर देवता…।खेलै खेलै हे…।
पाचों कपड़ें और जनेऊ।
पहरै पहरै हे मंढी पै म्हारे पितर देवता।
म्हारे पितर देवता…।खेलै खेलै हे…।
घिस घिस चंदन भरी हे कटोरी।
तिलक लावै हे मंढी पै म्हारे पितर देवता।
म्हारे पितर देवता…।खेलै खेलै हे…।
चौदस कि हे मैनै रात जगाई।
मावस नै हे मैनै ज्योत जगाई।
दर्शन देवै हे मंढी पै म्हारे पितर देवता।
म्हारे पितर देवता…।खेलै खेलै हे…।
हलवा पूरी खीर बनाई।
भोग लगावै हे मंढी पै म्हारे पितर देवता।
म्हारे पितर देवता…।खेलै खेलै हे…।
बहु बेटा नै संग मै लयाई।
झोली भरै हे मंढी पै म्हारेट पितर देवता।
म्हारे पितर देवता…।खेलै खेलै हे…।
0 Comments