के बुझैगा मन की हो बाबा मेरे रूस गये

के बुझैगा मन की हो बाबा मेरे रूस गये भगवान बालाजी मन्नै रस्ता दे दे तेरा गुण भुलुं ना श्यान ।

इन भुतां ने मेरी  हो बाबा,या कर दई रे रे माटी ।बाबा हो मै दुख पा रहा सु मेरी पाटी जा सै छाती।और कोए ना मेरा हिमाती,इब तुँ ही बचाले जान,

बालाजी मन्नै रस्ता दे दे,तेरा गुण भुलुं ना श्यान ।

कोए नहीं मेरा भाई चारा,इब आण पड़या ओ तेरा दर पै।बाबा हो मेरी धीर बंधादे,मेरै हाथ टेक दे सिर पै।आण पड़या सुँ तेरे दर प,यो नफरत करै जहान,

बालाजी मन्नै रस्ता दे दे,तेरा गुण भुलुं ना श्यान।।

तेरे मंदिर की  अदभुत माया,मैं न्यु सुण के  नैआया।बाबा हो तैनै गले लगाया,यो दुनिया का ठुकराया।अंजनी माँ का लाल बताया,यो राम दूत हनुमान,

 बालाजी मन्नै रस्ता दे दे,तेरा गुण भुलुं ना श्यान।।

तेरे भवन में हो मेरे बाबा,ये सारे देवता आए।प्रेतराज और भैरव बाबा,भुतां ने हुक्म सुणा रे,गुरू मुरारी समचाणे में,तेरी जोत जगै सुबह शाम,

 बालाजी मन्नै रस्ता दे दे,तेरा गुण भुलुं ना श्यान।।के बुझैगा💐💐💐💐💐💐💐