ब्याहवैगी के ना।
हे मेरी माता मै हो गई शेर जवान मैनै तु
ब्याहवैगी के ना।
हे मेरी बेटी तेरी माड़ी सै तकदीर
जमाई मोडा हो लिया।
हे मेरी माता मैनै साची साच बताए
कड़ै सी धुना ला लिया।
हे मेरी बेटी तु सीधी सडक़ जाए के
तले धुना ला लिया।
ओ मेरे भोले मै लयाई तील पचास
रजाई मेरी ओढैगा के ना।
हे मेरी गौरा तु लयाई तील पचास के
चिमटा लयाई सै के ना।
ओ मेरे भोले मै चिमटा लयाऊ पचास
लेन मैनै आवैगा के ना।
हे मेरी गौरा मेरे तै छोट मेरा बीर लेन
तैनै वोहे आवैगा।
ओ मेरे भोले कुएँ मै मार जाऊ डाक
लाश मेरी काढैगा के ना।
हे मेरी गौरा तु इतनी क्यू घबरावै
लेन तैनै मै हे आऊंगा।
0 Comments