घाटे के मै आ गया ओ बाबा ध्यान हरि
पै धर के तेरे भवन कै भीतर बड़ गया
जगह मिली मर पड़ के।
मेरी काया मै रोग फैल गया ना करती
असर दवाई सारे कुनबे कि चाल बिगड़गी
कोन्या रही समाई।
मेरी काया मै ओ……-2चीस लाग रही
दुणा हे सिर भड़कै तेरे भवन कै भीतर बड़
गया जगह मिली मर पड़ के।
घाटे के मै आ💐💐💐💐💐💐💐💐।
पा दुखै कदे दर्द पेट मै न्यु चक्कर सा आवै
सोवन दे ना मैनै रात नै यो संकट घना सतावै सै।
इस संकट नै ओ….-2 दूर हटादे घरा बैठ गया
अड़ के तेरे भवन कै भीतर बड़ गया जगह
मिली मर पड़ के।
घाटे के मै आ💐💐💐💐💐💐💐💐।
घाटे के मै आ गया ओ बाबा सारा ए साटा
सद जा गया एक बै दर्श दिखा दे ओ बाबा सुख
तै जीवन कट जा गया।
उन माणसा का ओ…-2 के जीणा जिसका कुनबा
सोवै लड़ के तेरे भवन कै भीतर बड़ गया जगह
मिली मर पड़ के।
घाटे के मै आ💐💐💐💐💐💐💐💐।
कह मुरारी भजन करे बिन सबकी हार सै ओ एक
बै दर्श दिखा दे ओ बाबा जिस तै सच्चा प्यार सै।
मेंहदीपुर मै ओ…-2 भगत खड़े सै तेरे भवन कै
अड़ कै तेरे भवन कै भीतर बड़ गया जगह
मिली मर पड़ के।
घाटे के मै आ💐💐💐💐💐💐💐💐।
0 Comments