एक जोहड़ भरा जल नीर का ।
डाली पै बैठे हनुमान भगती करो हे भगवान की।
बाबा माई रै बाबू मैनै दे दिए।
एक भात भरनै नै बीर भगती करो हे भगवान की।
एक जोहड़ भरा…।डाली पै बैठे…।
बाबा सासु रै सुसरा मैनै दे दिए।
एक जोड़ी का भरतार भगती करो हे भगवान की।
एक जोहड़ भरा…।डाली पै बैठे…।
बाबा बहु और बेटा दे दिए।
दो दिए कमल के फूल भगती करो हे भगवान की।
एक जोहड़ भरा…।डाली पै बैठे…।
बाबा कोठी रै बंगला दे दिए।
एक घुमनै नै महंगी कार भगती करो हे भगवान की।
एक जोहड़ भरा…।डाली पै बैठे…।
बाबा अन्न और धन सब दे दिए।
एक दूध पीवन नै भैस भगती करो हे भगवान की।
एक जोहड़ भरा…।डाली पै बैठे…।
बेटी दिखैन की कती बावली।
मांगन मै बडी होशियार भगती करो हे भगवान की।
एक जोहड़ भरा…।डाली पै बैठे…।
बाबा दिखैत का लगै बान्दरा।
तैनै पुजै सारा संसार भगती करो हे भगवान की।
एक जोहड़ भरा…।डाली पै बैठे…।
बाबा सालासर मै धाम सै।
तेरा मेंहदीपुर स्थान भगती करो हे भगवान की।
एक जोहड़ भरा…।डाली पै बैठे…।
0 Comments