झमेले मैंने सारे देखे सारे देखे
हे कदे लिया ना राम का नाम।
पहला झमेला देखा पिता अपने का।
चौदह साल की कि कर दी सगाई।
फेर मेरी शादी कर दी शादी कर दी
हे मै भेजी बिराने देश।
झमेले मैंने सारे💐💐💐💐💐💐।
दुजा झमेला देखा सासु अपनी का।
पै सेर पीसा पै सेर पोया।
फेर मै न्यारी कर दी न्यारी कर दी
हे मेरे गैल ननद का बीर।
झमेले मैंने सारे💐💐💐💐💐💐।
तीजा झमेला देखा बेटे अपने का।
लिखा पढा के मैंने नोकरी लगाया।
फेर बेटा न्यू बोल्या न्यु बोल्या
हे माता तेरा दिमाग खराब।
झमेले मैंने सारे💐💐💐💐💐💐।
चौथा झमेला देखा मैंने बहु अपनी का।
सिर पै बैठाई मैंने लाड लडाया।
फेर बहु न्यु बोली न्यु बोली
हे इसकी घालो बारने नै खाट।
झमेले मैंने सारे💐💐💐💐💐💐।
पाचवा झमेला देखा बेटी अपनी का।
खूब दिया हे मैंने खूब लुटाया।
फेर बेटी न्यु बोली न्यु बोली
हे माता म्हारा कोन्या टेम।
झमेले मैंने सारे💐💐💐💐💐💐।
छठा झमेला देखा पोते अपने का।
पैंशन लाई मैंने चीज दिवाई।
फेर बहु न्यु बोली न्यु बोली
हे म्हारे बालक दिए बिगाड़।
झमेले मैंने सारे💐💐💐💐💐💐।
सातवा झमेला देखा बुढे अपने का।
खूब कमाई उसके साथ चाल के।
फेर बुढा न्यु बोल्या न्यु बोल्या
हे तैनै कदे करा ना काम।
झमेले मैंने सारे💐💐💐💐💐💐।
0 Comments