जो वो देना जाने सै वो लेना भी जाने सै।
बन्दे क्याकि करै मरोड़ बता क्यु छाती तानै सै।
जै वो देना जाने…।
तेरै कोन्या कुछ भी बसका भेदी सै वो
खुद नस नस का।
चाहे कितनी कर ले चोड़ै वो सारी चाल पिछानै सै।
बन्दे क्याकि करै…।जो वो देना…।
कल भी उसका आज उसी का जग मे
चलता राज उसी का।
पगले मेरा मेरी छोड तु बैठा देश बिराने सै।
बन्दे क्याकि…।जो वो देना…।
समझै थे जो दास बखत नै चले गए
सब छोड जगत नै।
ला ले मरघट मै एक दौड़ राख क्यु दर दर छानै सै।
बन्दे क्याकि…।जो वो देना…।
ओम गुरु कहे बात पते की रामधन कुछ
तो कर ले नेकी।
बेरा ना कब होजा तोड़ काल तेरे खड़ा सिरहाने सै।
बन्दे क्याकि…।जो वो देना…।
0 Comments