सेर रुई लयादे मेरे देवर।
जब तेरी भरुंगी रिजाई रे दिल ले गया देवरिया।
सेर मिठाई लयादे मेरा देवर।
जब तेरी बनुंगी लुगाई रै दिल ले गया देवरिया।
आधी रात पहर का तड़का।
देवर ने कुंडी खुड़काई रै दिल ले गया देवरिया।
होले होले बोल मेरे देवर।
नीचे सोवै तेरा भाई रै दिल ले गया देवरिया।
इब क्यु होले बोलु मेरी भाभी।
खा गई सेर मिठाई रै दिल ले गया देवरिया।
बारह साल मै पिया धोरै सोई।
बांझ ही बांझ कहवाई रै दिल ले गया देवरिया।
एअ रात मै देवर धोरै सोई।
दो दो लाल खिलाए रै दिल ले गया देवरिया।
अर्जुन सर्जुन खेलै गलियो मै।
जल गई शौक लुगाई रै दिल ले गया देवरिया।
थम क्यु जलो मेरी शौक लुगाइयों।
मेरे बलम का भाई रै दिल ले गया देवरिया।
0 Comments