लयाओ कस्सी खोदा क्यारी राधा कि करा हे
सगाई मेरे राम।
कहो तो बेटी भोला वर ढुंढा कहो तो शिवजी
ढुंढा मेरे राम
भोला हो बाबल ओल मचावै शिवजी नोट ढलावै
मेरे राम।
कहो तो बेटी चंदा वर ढुंढा कहो तो सुरज वर
ढुंढा मेरे राम।
चंदा बिना बाबल रात अंधेरी सुरज तप हे घनेरा
मेरे राम।
अपना वर बाबल आप बता दु आप किशन वर
ढुंढो मेरे राम।
इसी के बेटी करी हे तपस्या आप किशन वर मांगा
मेरे राम।
साढज हो बाबल खाट ना सोई सावन मै साग ना
खाया मेरे राम।
भादो हो बाबल दही ऐ ना खाया आशोज पितर
संजोया मेरे राम।
कातक हो बाबल कातक नहाई मंगशेर मांग
भराई मेरे राम।
पौएज हो बाबल सोड़ ना ओढी माह मै महवा
नहाई मेरे राम।
फाल्गन हो बाबल फाग ना खेली चैत मै बेर ना
खाया मेरे राम।
बैसाख हो बाबल बड़ पीपल सीचां जेठ मै
जेठुड़ा भराया मेरे राम।
इतना हो बाबल नेम भरा सै जब कृष्ण वर मांगा
मेरे राम।
कहिये हो बाबल उस कृष्ण सोना रो अर्थ जुड़ावै
मेरे राम।
सोना रो अर्थ रै चांदी रा पहिया धोला बैल
जुड़ावै मेरे राम।
कहिये हो बाबल उस कृष्ण नै सोना रो गिंड
मंगावै मेरे राम।
सोना रो गिंडो चांदी रो खुलियो धूम धाम तै आवै
मेरे राम।
कहिये हो बाबल उस कृष्ण नै कौरव पांडवा नै
संग मै लयावै मेरे राम।
जब वे कौरव चुरीए ठठावै जब राधा परणावै
मेरे राम।
0 Comments