सोवै सै नगरिया सारी -2
एक जागै सै हे जागै सै द्रोपद रानी लुक लुक रोवै सै।
हे आधी रात पहर का तड़का-2
हे उतरै महल तै आई हे के सोवै सुख नींद सास तैनै
क्युकर निद्रा आई।
हे तेरे बेटे नै चाले कर दिए-2
जुआ खेल कै हेरी राज पाट सब.जीता दिया उनै पासे फैक के।
हे राज पाट सब जीता दिया-2
जीतवा दिए चारों भाई हे जीतवा दई द्रोपद रानी
शुकनी नै चाल चलाई।
हे मेरे पिता नै रचा स्वंयवर-2
शर्त लगाई थी हे जो मछली की आखं बिंद दे
मै उसके ब्याही थी।
हे बडे बडे योद्धा आए सभा मै-2
बाट देखै थे हे उनका निशाना चूक गया
मैनै ब्याहना चाहवै थे।
हे ऊपर मछली चक्कर काटै-2
तैले कढाई थी हे तेरे अर्जुन नै आखं बिंद दई
जब मै ब्याही।
हे एक सौ एक गऊ और घोड़े-2
दान गिनाया था हे हीरे का तिरपाल ओढ के
हाथी आया था।
हे तेरी जीभ पै काल बैठ गया-2
जब मै आई थी हे तेरे कहे तै तेरे बेटा
नै मै बाट खाई थी।
0 Comments