गंगा भी नहाइये ननदी जमना भी नहाइये।
त्रिवेणी तैर जाइये ननद बाई ग्यारस कर जाइये।
जै री ननद ग्यारस चौबीस ना होवे।
सोलह ग्यारस कर जाइये ननद बाई
ग्यारस कर जाइये।
जै री ननद ग्यारस सोलह ना होवे।
बारह ग्यारस कर जाइये ननद बाई
ग्यारस कर जाइये।
जै री ननद ग्यारस बारह ना होवे।
छह ग्यारस कर जाइये ननद बाई
ग्यारस कर जाइये।
जै री ननद ग्यारस छह भी ना होवे।
चार ग्यारस कर जाइये ननद बाई
ग्यारस कर जाइये।
जै री ननद ग्यारस चार ना होवे।
दो ग्यारस कर जाइये ननद बाई
ग्यारस कर जाइये।
जै री ननद ग्यारस दो भी ना होवे।
निर्जला कर जाइये ननद बाई
ग्यारस कर जाइये।
त्रिवेणी तैर जाइये ननद बाई ग्यारस कर जाइये।
पहली ग्यारस ननदी कार्तिक की करिये।
सोड़ सोड़िये भरिए ननद बाई ग्यारस
कर जाइये।
दुसरी ग्यारश ननदी माह की करिये।
तिल री बाट के आइये ननद बाई
ग्यारस कर जाइये।
त्रिवेणी तैर जाइये नन्द बाई ग्यारस कर जाइये।
तिसरी ग्यारस ननदी फाल्गन की करिये।
आवला सीचं घर आइये ननद बाई
ग्यारस कर जाइये।
त्रिवेणी तैर जाइये नन्द बाई ग्यारस कर जाइये।
चौथी ग्यारस ननदी जेठ की करिये।
प्यासे नै पानी पयाइये ननद बाई
ग्यारस कर जाइये।
त्रिवेणी तैर जाइये नन्द बाई ग्यारस कर जाइये।
गंगा भी नहाइये ननदी जमना भी नहाइये।
त्रिवेणी तैर जाइये नन्द बाई ग्यारस कर जाइये।
0 Comments