बन्दे भज ले रै कोन्या रै राम यो जीवन थोड़े दिन का

बन्दे भज ले रै कोन्या रै राम यो जीवन थोड़े दिन का।

शिकार खेलन राजा चाल्या घोड़ा ले लिया साथ।

दूर बणा मै पहुंच गया सै सोवै सै हिरणा कि डार

यो जीवन थोड़े दिन का।

बन्दे भज💐💐💐💐💐💐💐💐।

राजा कहन लगा हिरणी नै सुन हिरणी मेरी बात।

अपना हिरण नै रै जगा ले फेर कहगी  सुता

 दिया मार यो जीवन थोड़े दिन का।

बन्दे भज💐💐💐💐💐💐💐💐💐।

हिरणी कहन लगी राजा नै सुन राजा मेरी बात।

अपना हिरण नै आप बचा लु बदले मै दे दुंगी  प्राण

यो जीवन थोड़े दिन का।

बन्दे भज 💐💐💐💐💐💐💐💐।

राजा कहन लगा हिरणी नै सुन हिरणी मेरी बात।

बहते पानी नै रोकु कोन्या तिरिया कै लाऊ ना

हाथ यो जीवन थोड़े दिन का।

बन्दे भज💐💐💐💐💐💐💐💐।

पहला तीर चला राजा का लिया सीने पै ओट।

दुजा तीर चला राजा का हिरण लोट पलोट 

यो जीवन थोड़े दिन का।

बन्दे भज 💐💐💐💐💐💐💐।

मार मुर के राजा चाल्या हिरणी रही रोए।

धन दौलत तेरा न्युए जाइयो तिरिया तो रह जा

तेरी बांझ यो जीवन थोड़े दिन का।

बन्दे भज💐💐💐💐💐💐💐💐।

राजा कहन लगा रानी नै सुन रानी मेरी बात।

हिरणी नै एक श्राप दिया सै लागी सै कालजे मै 

ठेस यो जीवन थोड़े दिन का।

बन्दे भज💐💐💐💐💐💐💐💐।

रानी कहन लगी राजा नै सुन राजा मेरी बात।

हिरणी का वचन पुरा होगा मारा सै  सिर का हो

ताज यो जीवन थोड़े दिन का।

बन्दे भज💐💐💐💐💐💐💐💐।