तेरी धोली धजा चढाऊ ओ दादा खेड़ा महाराज।
हर नगरी मै आप विराजे।
तेरे नाम का डंका बाजै।
तेरी महिमा गाई ओ दादा खेड़ा महाराज।
तेरी धोली धजा…।
सारे जेठ जो तैनै नुहावै।
हलवे खीर का भोग लगावै।
तेरी सुरती लाई ओ दादा खेड़ा महाराज।
तेरी धोली धजा…।
जिस घर मै हो ब्याह सगाई।
पहलम बाजी तेरी आई।
तेरी भेट चढाई ओ दादा खेड़ा महाराज।
तेरी धोली धजा…।
वंश बेल सब तुहे चलावै।
जो भी तेरी ज्योत जगावै।
तेरी ज्योत जलाई ओ दादा खेड़ा महाराज।
तेरी धोली धजा…।
म्हारी मनसा पूरी कर दे ओ दादा खेड़ा महाराज।
म्हारी बिगड़े काम बना दे ओ दादा खेड़ा महाराज।
0 Comments