शिव शंकर भोलेनाथ तेरी हो मै कब का देखु
बाट जाट हरियाणे का।
म्हारे खेत मै आ जाइए तैनै टयूबल तैले नुहवादुंगा।
तेरी शीशम नीचे खाट तेरी हो मै कब का देखु
बाट जाट हरियाणे का।
शिव शंकर💐💐💐💐💐💐💐💐।
म्हारी हेली मै आ जाइए तैनै मेसा रोट खुवादुंगा।
म्हारे दूध दही की ठाठ तेरी हो मै कब का देखु
बाट जाट हरियाणे का।
शिव शंकर💐💐💐💐💐💐💐💐।
कुंडी सोटा ल्या दुंगा तैनै भांग घोट के प्या दुंगा।
तेरा ठाडा भरु गिलास तेरी हो मै कब का देखु
बाट जाट हरियाणे का।
शिव शंकर💐💐💐💐💐💐💐💐।
मन्दिर तेरा बना दुंगा किल्ला एक लिखा दुंगा।
म्हारे किल्ले पूरे साठ तेरी हो मै कब का देखु
बाट जाट हरियाणे का।
शिव शंकर💐💐💐💐💐💐💐💐।
किर्तन तेरा करा दुंगा घी की ज्योत जला दुंगा।
तेरे भर-भर बाटु थाल तेरी हो मै कब का देखु
बाट जाट हरियाणे का।
शिव शंकर💐💐💐💐💐💐💐💐।
हरिद्वार मै जाऊंगा तेरी कावड़ ले के आऊंगा।
तेरी कावड़ ल्याऊ साठ तेरी हो मै कब का देखु
बाट जाट हरियाणे का।
शिव शंकर💐💐💐💐💐💐💐💐।
0 Comments