सासु भी बहैरी मेरा सुसरा भी बहैरा।
बेबे हे बहैरा सै घरवाला।
थोड़ी हे थोड़ी मै भी बहैरी।
बेबे हे चारवां कि न्यारी न्यारी बात।
रोटी लेके गई हे खेत मै।
बेबे हे राहे बटेऊ जाए।
राहे बतादे गौरी नाम बतादे।
छोरी रै गया मै रस्ता भूल।
धोले के हम लेंगे पान सौ।
जीजा रै पिलिये के ढाई हजार।
रोटी लेके गई हे खेत मै।
गौरी रै आए म्हारे नारिया के घाक।
नुन मिर्च तेरी माँ नै गेरा।
पिया हो साग बनाया मैनै आप।
रोटी लेके घरनै ऐ आई।
सासु री आज तेरा लाडला लड़ै सै।
कौन कहवै हे मैनै छोरा हे रुवाया।
भोड़िया हे तड़कै कि लिहा खड़ी सु।
भैस चरा के बुढा आया।
बुढे हो तेरी भोड़िया लड़ै थी।
कौन कहवै रै मैनै घेरा मै चराई।
बुढिया रै ढैरा मै लाया सु चराए।
ऊपर चढ के रुक्के मारै।
बेबे बहैरा का संग खराब।
0 Comments