सात साल मै पिया घर आए 

सात साल मै पिया घर आए 

आन पोल मै डटै गया हे

आन पोल मै डटै गया हे।

पानी भर के उल्टी आई पोला मै चप्पल कढ रही हे

पोला मै चप्पल कढ रही हे

हसंती हसंती नै दोगड़ तारी हसती नै इंडी तारी हे

हसंती नै इंडी तारी हे।

हसंती हसंती महला चढ गई हसंती नै सेज बिछाई हे

हसंती नै सेज बिछाई हे।

नीचे तै मेरी सासु बोली सुनले बहुड़ मेरी हे

सुनले बहुड़ मेरी हे।

मेरा बेटा तो असल दरोगा तेरी सेज ना सोवै हे

तेरी सेज ना सोवै हे।

रोवती रोवती नै सेज पलट दई धरती मै बिस्तर लाया हे

धरती मै बिस्तर लाया हे।

हे आधी रात शिखर मै हिरनी रोवती नै चाकी झोई हे

रोवती नै चाकी झोई हे।

हे भीतर तै मेरी सासु बोली सुनले बहुड़ मेरी हे

सुनले बहुड़ मेरी हे।

हे मेरा बेटा तो असल दरोगा तेरा पीसा ना खावै हे

तेरा पीसा ना खावै हे।

ऊपर तै मेरा राजा बोलया सुन ले माता मेरी हे

सुन ले माता मेरी हे।

हे इब तक तो मै तेरी सुनु था इब सुन ले तु मेरी हे

इब सुन ले तु मेरी हे।

पराई जाई मेरै पल्ले लाई सारी रात रुवाई हे

सारी रात रुवाई हे।

हे ऊपरला मकान लुंगा नीचे कि अलमारी हे

नीचे कि अलमारी हे।

हे बलदा कि माता जोड़ी लुंगा बाबल लुंगा हाली हे

बाबल लुंगा हाली हे।

हे दूध पीवन नै रुंढी झोटी छोटा भाई पाली हे

छोटा भाई पाली हे।

काम करन नै छोटी बहना या महला कि रानी हे

या महला कि रानी हे।

हे जी करता तो तु भी आजा राखुंगा घसियारी हे

राखुंगा घसियारी हे।