रोटी लेके चली रै जाटनी-2
यो प्याज टिकड़ा लेके नै जमींदार तेरा
हाल देख के मेरा कालजा धड़कै रै।
डोलै डोलै चली रै जाटनी-2
पड़ गई पैर रिपट के ना जमींदार तेरा
हाल देख के मेरा कालजा धड़कै रै।
आजा हो हाली रोटी खाले-2
पड़ै दोपरै का घाम रै जमींदार तेरा
हाल देख के मेरा कालजा धड़कै रै।
जल्दी रोटी देदे रै जाटनी-2
यो मेरा कालजा कढ गया रै जमींदार तेरा
हाल देख के मेरा कालजा धड़कै रै।
प्याज नै फोड़नै लागा वो हाली-2
या बच्ची गई निकल के नै जमींदार तेरा
हाल देख के मेरा कालजा धड़कै रै।
साटा लेके मारी रै जाटनी-2
या आ गई खाल उपड़ कै नै जमींदार तेरा
हाल देख के मेरा कालजा धड़कै रै।
रोवती सुबकती चली रै जाटनी-2
वा बच्ची नै लयाई उठाके नै धोरे के मै धोके
दे दई खावै जाट ठाठ तै रै।
आजा रै जाटनी रोटी खाले-2
मै लाड लडा लु तेरा रै जमींदार तेरा
हाल देख के मेरा कालजा धड़कै रै।
तेरी हो रोटी मै ना खाऊ-2
मैनै के पकवान बनवाया रै जमींदार तेरा
हाल देख के मेरा कालजा धड़कै रै।
जो तु खावै पकवान जाटनी-2
फौजी कै कोन्या ब्याही रै छ महिने मै फौजी
छुट्टी आवै जाला पुर जा तेरै रै
0 Comments