रै मेरी हो रही जात बिरान तैनै के भगवान पता कोन्या।
दो सेर चून मेरे घर मै रह रहा।
धरती मै रै मैनै ला लिया डेरा।
रै सोवन नै मिलती ना खाट तैनै के भगवान पता कोन्या।
रै मेरी💐💐💐💐💐💐💐💐💐।
लड़ जाएंगे मेरे भिरड़ ततैया।
मक्खी मच्छर बिच्छू लड़ गए।
रै मै घना हो रहा परेशान तैनै के भगवान पता कोन्या।
रै मेरी💐💐💐💐💐💐💐💐💐।
बासी खिचड़ी खाटी लस्सी।
जब खाऊं मेरै हो जा खासीं।
रै या दुनिया खावै पकवान तैनै के भगवान पता कोन्या।
रै मेरी💐💐💐💐💐💐💐💐💐।
घर मै तो रै मेरै टोटा आ रहा।
भात भरन का मौका आ रहा।
रै हरनन्दी कै भरना भात तैनै के भगवान पता कोन्या।
रै मेरी💐💐💐💐💐💐💐💐💐।
सोलह साधु मेरे संग मै।
कपड़े रंग लिए तेरे रंग मै।
रै मेरी आफत मै है जान तैनै के भगवान पता कोन्या।
रै मेरी💐💐💐💐💐💐💐💐।
कृष्ण कृष्ण करता डोलु।
बेरा ना रै वो कड़ै डिगरगा।
रै या दुनिया करै मखोल तैनै के भगवान पता कोन्या।
रै मेरी💐💐💐💐💐💐💐💐।
जब कृष्ण पाटे पर आया।
हरनन्दी तै चुन्दडी ऊढ़ाई।
रै जब बरसा मुसलधार तैनै के भगवान पता कोन्या।
रै मेरी💐💐💐💐💐💐💐💐💐💐।
0 Comments