पोलया मा तै सुसरा बोलया आज मेरी बेटी आवैगी।
दूध बिलोवती सासु बोली आज लाडली आवैगी।
रोटी पोवती भावज बोली म्हारी लड़ाई करवावैगी।
बाहर तै वो बीरो बोलो घर तै बाहर बैठावैगी।
ऊपर तै हे वो बीरो बोलयो गैल बटेऊ लयावैगी।
भीतर तै हे वा भावज बोली दस दिन डैटके जावैगी।
चाकी नीचे बोली हे मुसटी दे चप्पल दमड़ावैगी।
खाट तैला तै बिल्ली बोली ढकना धरनी आवैगी।
गेंद खेलता बोलया हे भतीजा बुआ पिटनी आवैगी।
गलियारा का कुत्ता बोलया टुक खोसनी आवैगी।
गलियारा की बोली हे लुगाई आज माचनी आवैगी।
कोलिज वाला लड़का बोलया हमनै फेल करावैगी।
खेता की घसियारी बोली घास खोसनी आवैगी।
0 Comments