पिया कड़ै हो गए थे राता न।
मैनै लैम्प जलाया रात समझ मेरी बाता नै।
गौरी भावज कै गए थे राता नै।
भावज नै बिछा लई सेज समझ मेरी बाता नै।
पिया के लेगे थे झोले मै।
तैनै के रै खुवाया सारी रात समझ मेरी बाता नै।
गौरी लाडु ले गए झोले मै।
मैनै पेड़े खुवाए सारी रात समझ मेरी बाता नै।
पिया इब पड़ुंगी कुए मै।
तैनै लोग कहवै बदमाश समझ मेरी बाता नै।
गौरी बेसक पड़ जा कुए मै।
मै तो ढुंढ आया बालका कि ताई समझ मेरी बाता नै।
गौरी इब पड़ुंगा कुए मै।
तैनै लोग कहवै बदमाश समझ मेरी बाता नै।
पिया बेसक पड़ जा कुए मै।
मै तो ढुंढ आई बालका का ताऊ समझ मेरी बाता नै।
गौरी छोडो पिछली बाता नै।
आपा रहवांगे लोग लुगाई समझ मेरी बाता नै।
0 Comments