नन्हे नन्हे घुंघरू गौरा का बाजै नाड़ा
हे गौरा का बाजै नाड़ा हे।
डमरु वाला हाँ भर ले तो ब्याह हो जागा
म्हारा हे ब्याह हो जागा म्हारा हे।
भोला मेरा मै भोले की या मेरे मन मै आई
हे या मेरे मन मै आई सै।
बाबु तो मेरा पहला नाटै माँ भी मना मनाई सै
माँ भी मना मनाई सै।
नन्हे नन्हे घुंघरू💐💐।डमरु वाला💐💐।
तैनै मना के छोडुंगी तु कब लग भोला नाटैगा
तु कब लग भोला नाटैगा।
शिव भोले के ब्याह का रुक्का दुनिया के
मै पाटैगा दुनिया के मै पाटैगा।
नन्हे नन्हे घुंघरू💐💐।डमरु वाला💐💐।
चाल कड़ै लग चालैगा तेरे पाछै पाछै आउंगी
तेरे पाछै आउंगी।
तेरै बराबर बैठ समाधी पर्वत ऊपर लाउंगी
पर्वत ऊपर लाउंगी।
नन्हे नन्हे घुंघरू💐💐।डमरु वाला💐💐।
कुंडी लाऊ सोटा लाऊ भांग रगड़ के लाऊंगी
भांग रगड़ के लाऊंगी।
जै बार भोला मांगेगा मै राजी राजी प्याऊंगी
मै राजी राजी प्यांऊगी।
नन्हे नन्हे घुंघरू💐💐।डमरु वाला💐💐।
शिव शक्ति मन्दिर की मण्डली से ब्याह के
गीत लिखाउंगी मै ब्याह के गीत लिखाउंगी।
शिव शक्ति मन्दिर मै फेर मै ब्याह के गीत
गवाउंगी मै ब्याह के गीत गवाउंगी।
नन्हे नन्हे घुंघरू💐💐।डमरु वाला💐💐।
0 Comments