नाभी सुट धरा सै हे हे कदे तन कै भी ना लाया।
ओढ पहर पानी नै चाली हे हे सरवर
पै नाग पड़ी सै।
नाग मैंने डसिए मतना हे हे मेरा पति
ऐ नौकरी जा रहा।
हुर तैनै छोडु कोन्या हे हे ईश्वर का हुकम
हुया सै।
नाग चिटली कै लड़ गया हे हे मेरा
सिला हो गया गात।
जेठ मेरा ईख नलावै हे हे वो भाजया
दौड़ा आया।
सिर का साफा पाड़या हे हे मेरी चिटली कै
बंध लगाया।
सास तेरा बेटा नै बुला दे हे हे बुलवादे
धर्मसिंह बीर।
बहु हे दो दिन की जिंदगी हे हे किस किस
नै दु बुलवाए।
सास तेरे घी का चश गया हे हे मेरी माँ
कै घोर अंधेरा।
सास तैनै बहु ऐ भतेरी हे हे मेरी माँ
नै बेटी कोन्या।
0 Comments