म्हारी मनसा पूरी कर दे ओ दादा पितर महाराज।
म्हारी सारी विपत टला दे ओ दादा पितर महाराज।
म्हारी मनसा पूरी💐💐💐💐💐💐💐💐।
सोने के लोटे मै गंगाजल पानी।
आई सु मै शुद्ध मन करके।
तैनै रगड़ रगड़ के नुहाऊ ओ दादा पितर महाराज।
म्हारी मनसा पूरी💐💐💐💐💐💐💐।
पाट पिताम्बर धोले कपड़ें।
तैनै पाचों कपड़ें पहरा दू ओ दादा पितर महाराज।
म्हारी मनसा पूरी💐💐💐💐💐💐💐।
घिस घिस चंदन भरी ऐ कटोरी।
थारी पूजा है सबसे जरूरी।
थारै मस्तक तिलक लगा दू ओ दादा पितर महाराज।
म्हारी मनसा पूरी💐💐💐💐💐💐💐।
हलवा पूरी खीर बनाई।
पितर देव खुश होके खाना।
थम रज रज भोग लगाओ ओ दादा पितर महाराज।
म्हारी मनसा पूरी💐💐💐💐💐💐💐।
तेरा भगत तेरा भजन ओ गावै।
हाथ दया का सिर पै चाहवै।
थारे चरणों मै शीश झुकावै ओ दादा पितर महाराज।
म्हारी मनसा पूरी💐💐💐💐💐💐💐।
म्हारा सारा दर्द मिटा दे ओ दादा पितर महाराज।
म्हारे कुल की बेल बढा दे ओ दादा पितर महाराज।
म्हारी बिगड़ी बात बना दे ओ दादा पितर महाराज।
0 Comments