मेरी माँ नै सपना आया हे मेरी शीला उडावै काग।
बेटा जाइये बेरा लाइये रै शीला की बुझिये बात।
मै दोगड़ भर के आई हे रस्ते मै जलेसिंह बीर।
मै लाग गले कै रोई हे मेरी गैलया रोया मेरा बीर।
हे बेबे साचम साच बतादे हे तैनै के दुखड़ा मेरी बाहन।
रै बीरा काग उडानी कर दी रै महला के उडाऊ काग।
बीरा माता नै आगै ना कहिए रै वा मर जा टक्कर मार।
रै बीरा साथना आगै ना कहिये रै कोए भीतर रोवै कोए बाहर।
रै बीरा भावज आगै ना कहिये रै पनघट पै पुर दे
बात।
रै बीरा बाबल आगै कहिये रै मैनै लेजा कैद तै बाहर।
रै बीरा काढी जा तो काढियो रै नहीं बनी रहनै दो बात।
रै बीरा कर्मा लिखी हो गई रै या ना सै किसे कै हाथ।
0 Comments