हो मेरा पिया तु लेजा पाचं रुपया कसम भगवान की
ल्यादे ल्यादे हो जलेबी राजस्थान की।
रै मेरी गौरी मेरी तनखा होगी थोड़ी कसम भगवान की
कोन्या कोन्या हो जलेबी राजस्थान की।
हो मेरा पिया मै खेत नहीं जाऊं मै काम नहीं करु
कसम भगवान की ल्यादे ल्यादे हो जलेबी राजस्थान की।
रै मेरी गौरी तु खेत मत जाइये तु काम मत करिये कसम
भगवान की कोन्या कोन्या हो जलेबी राजस्थान की।
हो मेरा पिया मै पीहर चली जाऊ मै फेर नहीं आऊ
कसम भगवान की ल्यादे ल्यादे हो जलेबी राजस्थान की।
रै मेरी गौरी तु पीहर चली जाइये तु फेर मत आइये
कसम भगवान की कोन्या कोन्या हो जलेबी राजस्थान की।
हो मेरा पिया मै कुएँ मै पड़ जाऊ मै रंडवा कर जाऊँ
कसम भगवान की ल्यादे ल्यादे हो जलेबी राजस्थान की।
रै मेरी गौरी तु कुएँ मै पड़ जाइये तु रंडवा कर जाइये
कसम भगवान की कोन्या कोन्या हो जलेबी राजस्थान की।
हो मेरा पिया मै पेड पै चढ जाऊ मै पत्ता मै छिप जाऊ
मै फेर नहीं पाऊ कसम भगवान की ल्यादे ल्यादे हो जलेबी राजस्थान की।
रै मेरी गौरी मै आरी से कटवा लु रस्सी से खीचवा लु
कसम भगवान की कोन्या कोन्या हो जलेबी राजस्थान की।
रै मेरी गौरी मै दुजा ब्याह करवाऊ मै तेरी सौतन लाऊ
कसम भगवान की कोन्या कोन्या हो जलेबी राजस्थान की।
0 Comments