हे सुरता हे सुहागन तेरा सतगुरु आवैगा

हे सुरता हे सुहागन तेरा सतगुरु आवैगा

हे न्यु तो मैनै बता दे उसने कड़ै उतारैगी।

हे दरवाजे पै चौक पुरा के-2

मै पटड़ा बिछाऊंगी हे अपने गुरु के चरणा मै 

हे मै शीश झुकाऊंगी।

हे सुरता सुहागन तेरा सतगुरु आवैगा

हे न्यु तो मैनै बता दे हे उसने कड़ै बैठावैगी।

हे चंदन चौकी घाल बगड़ मै-2

मै उसपै बैठाऊंगी हे दूध पखोलो पैर गुरु जी 

मै पैर दबाऊंगी।

हे सूरता हे सुहागन तेरा सतगुरु आवैगा

हे न्यु तो मैनै बता दे हे उसने कड़ै नुहावैगी।

हे ताते पानी की भरु बाल्टी-2

मै मसल नुहाऊंगी हे ओम नाम का साबुन ल्या

मै मसल नुहाऊंगी।

हे सूरता हे सुहागन तेरा सतगुरु आवैगा

हे न्यु तो मैनै बता दे हे उसने के रै जिमावैगी।

हे गौरी गाय का दूध काढ-2

मै खीर बनाऊंगी हे ओम नाम की पूरी

तार मै ढोल जिमाऊंगी।

हे सुरता हे सुहागन तेरा सतगुरु आवैगा

हे न्यु तो मैनै बतादे  हे उसने कड़ै सुवावैगी।

हे सोही आले ओबरे मै-2

मै तखत बिछाऊंगी हे ओम नाम की गुदड़ी

हे मै झाड़ बिछाऊंगी।

हे ज्ञान की हे मै रजाई ऊढा के-2

मै पैर दबाऊंगी हे अपने गूरु के चरणा मै 

हे मै शीश झुकाउंगी।