हे दिल्ली के मै हलवाई की मोधी पड़ी कढाई

हे दिल्ली के मै हलवाई की मोधी पड़ी कढाई हे

पाचं बराती बयाहवन चढ गया खड़ा लखावै भाई।

हे काका भी छोडा ताऊ भी छोडा छोडा सगा जमाई

हे भातइया नै न्यु लेगा हे म्हारी बनी रहै असनाई।

हे अपने पिता कै मार मुंडासा मै सोलह साल कमाई

हे चलती बैरिया हाथ हिला दिया दो सलवार सिमाई।

हे कीला बंदी होवन लाग रही रुख भी कोन्या हे

दो सलवार धरैनै खातिर सिन्दुक भी कोन्या।

हे आंधी भी आइयो मेह भी आइयो ओले तक भी आइयो

जो छोरियां का हक नै खावै वो मांग मांग के खाइयों।