हे दर्जी के नै जुल्म करा हे मेरा दामन सीम दिया भारा

हे दर्जी के नै जुल्म करा हे मेरा दामन सीम दिया भारा

हे चौसठ तो वैमै कली जोड़ दई सवा सेर का नाड़ा।

हे पहली कली मै राम रै लक्ष्मण दुजी मै सीता माई

हे तीजी कली मै चोपड़ बिछ रही खेलै ननद का भाई।

हे सासं ननद की मै घनी लाडली सांजै सोवन खंदाई

हे दड़बड़ दड़बड़ महला चढ गई सोवै ननद का भाई।

हे उंगली पकड़ मेरा पोहचा पकड़ा झट छाती कै लाई

हे बालम तो मै कहना भूल गई मुख तै निकल गया भाई।

हे दिन निकला जब हुआ सवेरा भाभी मांगै मिठाई

हे तैने तो री भाभी भावै मिठाई ब्याही बनावै भाई।

हे उरै आ ऐ कमला उरै आ ऐ बिमला उरै आ ऐ रोशन

 ताई हे अपने पति नै पति ना कहा के कौन कहवै सै भाई।

हे नौ भाईया की बाहन लाडली यानी सी उम्र मै ब्याही

हे बालम तो हे मै कहना भुल गई मुख तै निकल गया भाई।

हे भला करा हे भाभी भला करा हे तैनै ब्याही लैन लाई 

हे तैनै तो री भाभी लादु मिठाई ब्याही नै बालुस्याही।