हे बंजारी नै गहनै धर के

हे बंजारी नै गहनै धर के ।बंजारी नै गहनै धर के 

चाल पड़ा बंजारा हे दूर देश मे रहन लागगा

 लागा करनै गुजारा।

हे बंजारी तै बोला सेठ जी ।बंजारी तै बोला सेठ जी

बन जा मेरी सेठानी हे नौकर चाकर काम करैगा

तु महला कि रानी।

हो मै तो सेठ तेरी बनु ना सेठानी।मै तो सेठ तेरी 

बनु ना सेठानी ना चाहिए नौकरानी हो मै पतिव्रता

नार सेठ मेरा मतना धर्म घटाइए।

हे छह महिना मै आया बंजारा।छह महिना मै

 आया बंजारा देदे मेरी बंजारी हो ब्याज मूल

अपना सारा लेले देदे मेरी बंजारी।

हो महिने हो गए तीन मरी नै।महिने हो गए तीन

मरी नै करमा की करड़ाई हो बैद डाक्टर सारा 

रै बुला लिया लागी ना एक दवाई।

हो मुक्का मार सबर छाती मै।मुक्का मार सबर 

छाती मै चाल पड़ा बंजारा हे स्कुला के बालका

 नै घेर लिया बंजारा।

हे एक पतला सा छोरा न्यु बोल्या।एक पतला सा

 छोरा न्यु बोल्या भेद बता दू तेरा हो तेरी बंजारी

नै सेठ ले रहा नाम ले दिए मेरा।

हो के तो सेठ मेरी देदे बंजारी।के तो सेठ मेरी देदे

बंजारी ना लेजाऊ तेरी सेठानी हो दिल्ली के मै

बेच के ना खालु बालु स्याही।

हो इसा जुल्म मत करै बंजारा।इसा जुल्म मत करै

बंजारा होजा लोग हसांई मूल ब्याज तेरा कुछ ना

चाहिए लेजा अपनी बंजारी।