ऐसी के ले लई मोल हो मोल खंदा दे
भोला पीहर नै।
मै इबकै पीहर जाउंगी।
मै मोटी होके आउंगी।
चाहे लिए तराजू तोल हो तोल खंदा दे
भोला पीहर नै।
ऐसी के ले लई मोल💐💐💐💐💐💐।
मै इबकै पीहर जाउंगी।
मै लम्बी होके आउंगी।
चाहे लिए फीते तै नाप हो नाप खंदा दे
भोला पीहर नै।
ऐसी के ले लई मोल💐💐💐💐💐💐।
मै इबकै पीहर जाउंगी।
मै भूरी होके आउंगी।
चाहे लिए फोटो तु खीच हो खींच खंदा दे
भोला पीहर नै।
ऐसी के ले लई मोल💐💐💐💐💐💐।
मै इबकै पीहर जाउंगी।
मै न्यारी होके आउंगी।
मै लयाउ भतरो माल हो माल खंदा दे
भोला पीहर नै।
ऐसी के ले लई मोल💐💐💐💐💐💐।
आगे मेरी माता पावैगी।
वा जाके सिर पुचकारेगी।
वा झट छाती कै लावैगी।
वा बुझै मन की बात हो बात खंदा दे
भोला पीहर नै।
ऐसी के ले लई मोल💐💐💐💐💐💐।
0 Comments