दो बीगा मै गाजर बो दई गजरा बो दिया न्यारा
गाजर गजरे तै प्यारी -2।
पति मेरा तो खोदन चालया मै चाली भटियारी
गाजर गजरे तै प्यारी -2।
खोद खाद कै घरनै आए दो मिल गया व्यापारी
गाजर गजरे तै प्यारी -2।
दो गाजर मैनै तेरे तै दे दई पति नै दे दे मारी
गाजर गजरे तै प्यारी -2।
नौ दिन तो मै बोली कोन्या दो दिन सो गई न्यारी
गाजर गजरे तै प्यारी -2।
पति मेरा तो ढुढंनै चालया जा पकड़ी महतारी
गाजर गजरे तै प्यारी -2।
बुरा भला मत मानै री माता मै जाना घरवाली
गाजर गजरे तै प्यारी -2।
बुरा भला मत मानै रै बेटा मै जानी तेरा बाबु
गाजर गजरे तै प्यारी -2।
चाल री माता गंगा नुहा लयाऊ पाप धो लया सारा
गाजर गजरे तै प्यारी -2।
0 Comments