साइकिल ऊपर बैठ रै गौरी।
बैठन का कोई डर कोन्या।
साइकिल ऊपर मै ना बैठु।
इसा ड्राइवर तु कोन्या।
टुठी नीचे नहा ले रै गौरी।
अड़ै नहाने का डर कोन्या।
टुठी नीचे मै ना नहाउ।
इसी बेशर्म मै कोन्या।
नीली साड़ी बांध ले गौरी।
बांधन का कोए डर कोन्या।
लीली साड़ी मै ना बांधु।
पीहर मै मेरै माँ कोन्या।
होटल के मै खा ले रै गौरी।
अड़ै खाने का डर कोन्या।
होटल के मै मै ना जाऊ।
इसा कमाउ तु कोन्या।
डबल बैड पै सोजा रै गौरी।
अड़ै सोने का डर कोन्या।
डबल बैड पै मै ना सोऊ।
इसा गाभरु तु कोन्या।
कुएँ मै पड़ जाइये रै गौरी।
पड़ने का कोए डर कोन्या।
कुए मै तेरी माँ पड़ जाएगी।
गैर घरा की मै कोन्या।
0 Comments