भगती कर ले रै मना साहिब खुद लेने नै आवै।
बचपन गवां दिया तैनै खेल।
नही जवानी मै तैनै चेती।
इब तै चेता जा तै चेत फेर तो चेता भी ना जागा।
सिमरन कर ले रै मना ऐसा मौका फेर ना आवै।
भगती कर💐💐💐💐💐💐💐💐💐।
यो तो नकली है रै खजाना।
यहां पर दो दिन का है रहना।
फेर लुट जागा हाथ खजाना तुझसे रोका भी ना जागा।
सिमरन कर ले रै मना ऐसा मौका फेर ना आवै।
भगती कर💐💐💐💐💐💐💐💐💐।
करले ओम नाम का ध्याना।
यहां तै पड़ैगा सब को जाना।
सुन के धर्मराज परवाना तुझसे बाचया भी ना जावै।
सिमरन कर ले रै मना ऐसा मौका फेर ना आवै।
भगती कर💐💐💐💐💐💐💐💐💐💐।
जब तु बोवैगा गंडारी।
आम कहा तै खा गा भाई।
कुछ तै करले नेक कमाई फेर तु दुखड़ा हे ना पावै।
सिमरन कर ले रै मना ऐसा मौका फेर ना आवै।
भगती कर💐💐💐💐💐💐💐💐💐💐।
करता पत्थर की तु पूजा।
मात पिता का दुखड़ा ना बुझा।
इनसे बडा नहीं तुझे दुजा तुझसे मारा हे ना जावै।
सिमरन कर ले रै मना ऐसा मौका फेर ना आवै।
भगती कर💐💐💐💐💐💐💐💐💐💐।
0 Comments