बेटा बयाह लो राजी हो लो नई भोड़िया आवैगी
ताते पानी की भर बाल्टी मैनै रगड़ नुहावगी।
चारो बेटा बयाह लुंगी जब मै गंगाजी नहा लुंगी
भीतर उनका बाहर मेरा देगी तो टुकड़ा खा लुंगी।
छोटो बेटों घनो लाडलो जनु ईख का गन्डा हे
छोटे के बयाह मै इसो चांदनो जलै गैस को हान्डो हे।
फुली फुली माता डोलै देही मै सुख ज्यादा हे
अपनी टुम बहु कै चढा दी मैनै के लागै जाडा हे।
चारों बेटे न्यारे होगे माँए किसै नै ना ओटी
भीतर बड़ के रोवन लागी कौनसे कै धोर खाऊं रोटी।
मै तो रै बेटा नाटै थी रै तेरे बाप नै रोपया ये रासा
जन जन कै मै हार गई आज पूत पड़ोसी हो बेटा।
छोटो बेटो न्युठ बोल्या मेरै धोर आ माता काम करै
तो टुकड़ा खाले ना मामा कै जा माता।
0 Comments