बम बम भोले नाटै मतना-2 सिर पै मोड़ बंधा ले ना
गौरा बैठी अटल समाधी उस तै ब्याह करवा ले ना।
विष्णु के संग आवै लक्ष्मी-2 ब्रह्मा संग ब्राह्माणी हो
तु भी माथे चावल धरा ले आजा मात भवानी हो।
शमशाना मै पीके पड़ जा-2 अपना ढु़ंढ़ बसा ले ना
गौरा बैठी अटल समाधी उस तै ब्याह करवा ले हो।
बम बम भोले💐💐💐💐💐💐💐💐💐💐💐।
चौसठ योगिनी इकट्ठी होके-2 तेरै तेल चढावै हो
पटड़े ऊपर तैनै बैठा के मसल मसल कै नुहावै हो।
धर के सिर पै लाल चंदेवा-2 आरता तु करवा ले हो
गौरा बैठी अटल समाधी उस तै ब्याह करवा ले हो।
बम बम भोले💐💐💐💐💐💐💐💐💐💐💐।
लेले चाले अपनी सवारी-2 कोए घोड़ा कोए हाथी हो
लंगड़े लुले बहरे जावै तेरे भूत बराती हो।
बन्दड़ा बनके बैठ बैल पै-2 डीजे तु बजवा ले हो
गौरा बैठी अटल समाधी उस तै ब्याह करवा ले हो।
बम बम भोले💐💐💐💐💐💐💐💐💐💐💐।
तीन लोक का नाथ कहावै-2 जग का पालनहारी हो
हम तो बाबा शीश झुकावै जय भोले भंडारी हो।
गौरा के संग लेले फेरे-2 अपना ढु़ंढ़ बसा ले हो
गौरा बैठी अटल समाधी उस तै ब्याह करवा ले हो।
बम बम भोले💐💐💐💐💐💐💐💐💐💐💐।
0 Comments