मेरी माँ नै पीला रंगाया।
मेरा बीरा लेके आया हे मेरा
हरी जरी का पीला।
मैनै पीला धोए सुखाया।
सासु नै आन चुराया हे मेरा
हरी जरी का पीला।
मैनै पीले का धोखा कोन्या।
मेरे सवा लाख के मोती हे मेरा
हरी जरी का पीला।
मेरी माँ नै पीला रंगाया।
मेरा बीरा लेके आया हे मेरा
हरी जरी का पीला।
मैनै पीला धोए सुखाया।
जिठानी नै ठाए लकोया हे मेरा
हरी जरी का पीला।
मैनै पीले का धोखा कोन्या।
मेरे सवा लाख के मोती हे मेरा
हरी जरी का पीला।
मेरी माँ नै पीला रंगाया।
मेरा बीरा लेके आया हे मेरा
हरी जरी का पीला।
मैनै पीला धोए सुखाया।
ननदी(दौरानी ) नै ठाए लकोया हे मेरा
हरी जरी का पीला।
मैनै पीले का धोखा कोन्या।
मेरे सवा लाख के मोती हे मेरा
हरी जरी का पीला।
0 Comments